24/05/2014 03:20:06

Vllaznia: Tifozat ultimatum Bashkisë. Zgjidhje ose protesta në qytet

Mbërrin momenti ku ato kërkojnë të dëgjohen ose bashkia do mbajë përgjegjësi për protesta në qytet

HermesNews - "Zgjidhje ose protesta nqytet". Kjo është motoja që ditët e fundit ka zënë vendë në rrjetet sociale nga tifozat kuqeblu.

Ato i kërkojnë Bashkisë Shkodër si pronare e ekipit të Vllaznisë t'i japë zgjidhje situatës. Ka ardhur momenti që ekipi kuqeblu të ndryshojë mënyrë drejtimi.

Nga drejtimi i ekipit nga Bashkia t'i jepet në përdorim biznesit. 13 Vjet pa titull në Shkodër janë shumë. Bashkia do mbajë përgjegjësi...për protestat në qytet nga tifozeria shkodrane.

Sezoni i sapo mbyllur me ekipin kuqeblu që rrezikoi superligën deri ndeshjen e fundit. Përveçse afroi tifozat shkodran në stadium në mbështetje të ekipit, tregoi dështimin e drejtimit të ekipit me fondet nga Bashkia Shkodër.

Biznesmet të interesuar Krybashkiaku Luka shprehet në një prononcim për mediat lokale: "Ekzistojnë biznesmen apo kompani prestigjoze të interesuar për investim tek ekipi i Vllaznisë. Po shohim të vendosim për atë që meriton të marrë drejtimin e ekipit kuqeblu. Për të ndërtuar një ekip pretendent për titull dhe për kupat europiane".

Deri tani janë lakuar si favorit për të marrë drejtimin e Vllaznisë, ish presidenti Valter Fushaj, deputeti Tom Doshi apo edhe shkodrani Leonard Lulajt si përfaqësues i një kompanie të huaj.

Çdo gjë pritet të vendoset në mbledhjen e rradhës të këshillit bashkiak ku do flitet edhe për të ardhmen e ekipit kuqeblu. Nëse do vijojë drejtimin aktual apo në dorë të biznesit.

Arbër Meçenovi

Dërgo me email | Stampo artikullin